الحمو موت

هلوز باللوز و المانجوز

بدايه احب اشكر كل اللي سالوا عني و احب اقولهم مره ثانيه و ثالثه ان انشغالي و عدم تواجدي في البلوق ظروف دراسه و غير الدراسه و ان شاء الله راح تشوفوني الايام اليايه شاد حيلي معاكم بالبوستات :)
نبدا بالبوست
قال رسول الله صلى الله عليه وسلم : ( الحمو موت ) ؟
طبعا الكل يعرف الحمى او الحمو و هو اخو الزوج طبعا اهني في الحديث الرسول صلى الله عليه وسلم حذر من الحمو و هو اخ الزوج و شبهه بالموت علشان جذي عندي قصه تصدق قول الرسول صلى الله عليه وسلم و هو الصادق الامين
ندخل بالقصه على طول يعني دايركت :)
قالي واحد من الربع قصه استغربتها و تقدرون تقولون ما صدقتها لكني يوم تذكرت حديث الرسول استوعبتها و عرفت انها بالفعل واقعيه و الدليل حديثه صلى الله عليه وسلم
يقولكم
عايله مكونه من ولدين و امهم و ابوهمخلوني اعطيهم اسماء مستعارهطلال اخو يوسف طلال تزوج وحدها ينقالها ريميعني ريم مرت طلال ؟ يقولكم ان طلال انتقل لمنطقه معينه يسكن اهوه و زوجته فيها و اخوه يوسف خلص دراسته الثانويه و كان عايش و ساكن مع امه و ابوه بعد ما خلص يوسف دراسته احتاج لينتقل لمكان الوظيفه و بالصدفه كان مكان الجامعه بالمنطقه اللي ساكن فيها اخوه طلال و مرته ريم قال يوسف لطلال انه خلص دراسته الثانويه و لازم يكمل دراسته الجامعيه لان طموحه عاليه لكن ينقصه مكان يسكن فيه و تمنى يوسف انه اخوه يوافق و يسكنه معاهم طلال حده طيب و اصيل وافق بدون اي طلبات او حتى شروطو استانس يوسف كانت وناسته كبيره لان طلال فكاه من عناء البحث عن مكان يسكن فيه و بسرعه نقل اغراضه لشقة اخوه طلال طلال استانس لان سفراته وايده بحكم شغله و ارتاح لان اخوه قريب يم زوجته يحميها و يدير باله عليها و خصوصا و انها بروحها بالشقه و محد معاها لي سافر طلال
كثرت سفرات طلال و توالت نجاحات يوسف و بعد جم سنه رزق الله طلال ببنتين و ولدشهد و عهد و فهد و كانت حياه طلال من احسن ما يمكن و ماشيه بالمضبوط كل شيء مرتب و ما شي على حسب الاصول
في يوم من الايام و اهوه راد من شغله شاف وحده بالشارع حامل و تصرخ و معاها وحده كبيره بالسن و عرف انها ام و بنتها وقفته الام و طلبت منه و ترجته انه يوصلهم المستشفى لان بنتها بتولد بدون تفكير وافق على طول و نقلهم للمستشفى و قال ما راح يروح الا لمن يتطمن على المراه طبعا ولدت ويابت ولدو يوم تطمن عليها و بقى يروح
لاحظوا الاطباء انه بيروح فامسكوه و طلبوله الشرطه طلال حده مستغرب اشصاير بالضبط ؟قالوله ان لازم يحط الولد باسمه و ما يتبرا منه و حرام عليه يعيش ولده لقيط ؟استغرب طلال من هالسالفه و قالهم هذا مو ولدي و قالهم شلون لقى المراه و اهيه بدال ما تشكره وهقته طلبوا منه يسوي فحص الحمض النووي علشان يتاكدون و تاكدوا انه مو ولده و قالهم طلال انه لا يمكن يسوي شيء يغضب ربه ثم اهله و زوجته و انه متزوج و عنده بنتين وولد

سالوه : في احد ساكن معاكم ؟

قالهم : اخوي يوسف

قالوله : ييب مرتك و اخوك نبي نسوي لهم فحص وافق ويابهم و طبعا اهوه ما يدري شالسالفه و يوم سولهم فحص اكتشفوا ان طلال عقيم و العيال اللي كانوا عياله طول السنوات اللي طافت عيال اخوه يوسف و ان مرته ريم باثناء غيابه و سفره كانت تخونه مع اخوه و اخوه نفس الشيء
طبعا طلال انجلط و دخل غيبوبه و صار فيه شلل نصفيو يوسف و مرت طلال انقطوا بالسجن و عيالهم راحوا دور الرعايه الاجتماعيه
و لا حول و لا قوة الا بالله
طبعا انا كتبت لكم هالقصه مو علشان ابيكم تخافون من اخوانكم او اي شيء لا سمح الله اللي ابيه منكم انكم تحذرونهم و خصوصا اذا كنتوا متزوجين و اهمه لأ
حبيت في النهايه اذكركم بقول الرسول الله صلى الله عليه وسلم( الحمو موت )

على الله استفدتوا من هالقصه او حتى اعجبتكم و اللي عنده اي تعليق او اعتراض او نقطه حب يقولها المجال مفتوح للكل يعني ابي مشاركتكم ورايكم بالموضوع

و سلامي لكم :)