المشهد الرابع
بعد جم سالفه صارت لي معاهم فكرت و خططت انتحر علشان افتك من هالدنيا و منهم بالذات و اذا فشلت بالانتحار لما اروح المستشفى يسوون لي تحقيق و اسجن ابوي و اخوي و بالفعل كليت جم حبه ادول يمكن 20 او اقل ما اذكر و بالفعل بعد ماكليتهم دخت و طحت و ما شفت نفسي الا بالمستشفى سوولي غسيل كلى و عرفوا اني حاولت انتحر فيوم يابوا المحقق و سالني يوم شفته خفت ما ادري ليش معنى اني ناويه اسجنهم على سوالفهم اللي يسوونها فيني فقلتله ياني صداع قوي و ما قدرت اتحمل فكليت هالكميه من الادول قال لي : قصي على واحد ثاني يا شاطره ماره علي هالسوالف من قبل و هالحركات اعرفها عدل
قلت له : شنو اقص عليك يهال ؟ كلامي صح و ما اقص عليك و الدليل اني كليت ادول و ما كليت شيء ثاني مع كثرة الادويه في صيدليتنا ؟اقتنع و سكت و ما عرف شنو يرد علي بس تدري طلع حده حمار و طافت عليه عذري سخيف و اهوه مينون قبله :) بس هم خوش واحد فكاني من السين و الجيم بالمخافر و انهى التحقيق
المشهد الخامس
بعد ما طلعت من المستشفى تولاني ابوي و اخوي طق ما بغيت الا عمري
انا : و السبب اهيه : يقولون فضحتينا ؟
انا : مت من الضحك
اهيه : ما الومك على ضحكك بالعكس تونسني ردة فعلك لانهم على سوالفهم هذي كلش ما نفضحوا و لا تشوهت سمعتهم و لما حاولت انتحر فضحتهم و شوهت لهم سمعتهم ؟
انا : شيء طيب و الله ان ابوج و اخوج يحافظون على سمعتهم خخخخخخ نكته و الله
اهيه : شفت شلون المهم كملت
قالت لي : و في يوم كنت ماره يم الديوانيه بروح الحمام عزك الله
قلت لها : اشوداج يم الديوانيه شنو مافي حمام ببيتكم الا يم الديوانيه ؟
قالت لي : خلني اقولك لا تستعيل علي و لا تفهمني غلط احنا ساكنين بشقه قصدك شقه مو بيت و الشقه فيها 3 غرف و مطبخ و عزك الله حمام و الصاله مسويها ديوانيه عرفت و انا بروح الحمام و الحمام يم الديوانيه بالضبط
انا : سوري شكلي استعيلت بس معقوله انتوا ساكنين بشقه مو كان عندكم بيت
قالت : ايه بس باع البيت و اشترى لنا شقه و لعب بالفلوس مو ملحق قمار و خمر الله يعينه <<< تتطنز عليه
قلت لها : لا حول و لا قوه الا بالله معقوله في ابو جذي ؟ اللي اعرفه ان الابو يقصر على نفسه علشان عياله ياكلون و يلبسون و يتعلمون ؟ هذا المفروض اذا ماني غلطان
قالت لي : لأ منت غلطان حشاك المفروض بس هذا ما خله لا مفروض و لا غير المفروض
قلت لها : انتي شنو وضعج الحين يعني من وين تصرفين ؟ من وين تاكلين ؟ من وين تلبسين ؟
قالت لي : اصرف من مصروف الجامعه مو مقصره على 100 مكفيتني الحمدلله مبروكه هالاميهو اكل من البيت و البس من 100 الجامعه ويعطيني ابوي 50 كل شهر هذا اذا ما صارت 30 و الا صفر
قلت لها : الله يعينج
قالت : الله يسمع منك
المهم تقول و انا ماره و الا زقاير و دخنه و حوسه و السكران و اللي حالته حاله حالهم حال البهايم و الحيوانات
و الا واحد من ربع ابوي سحبني من نفنوفي و طحت و حاول يعتدي علي و الله فكني منه
قلت لها : الله و اكبر معقوله شلون ؟ شسويتي ؟
قالت لي : ما سويت اخوي كان ياي من بره طقاه و وخره عني و انا ركضت داري و قفلتها و قلبي ما بقى يوقف
قلت لها : شلون اخوج سكت عن سالفه مسكت ريلج و دافع عنج يوم بغى واحد من ربع ابوج يعتدي عليج
قالت لي : لانه فاقد ما يدري وين الله قاطه و الفاقد كل شي يسوي و الحال انعكست يعني ابوي شافني بس ما استوعب لانه فاقد بس اخوي كان صاحي و وخر رفيج ابوي عني
و بعد هالسالفه هم حاولت انتحر و بس هالمره مو حبوب خذيت السجين و حاولت اقطع شراييني بس ما انقطعت ما نفعت هالطريقه شوهت ايدي على الفاضي
آنا : تدرين اني مساع يوم قلتيلي انج حاولتي تنتحرين طوفت بمزاجي ؟
اهيه : شلون يعني ؟
آنا : ما كان ودي اشتغل عليج نصايح و تدرين لما وحده مثلج متعذبه بدنيتها و كارهه كل اللي حواليها لما تنتحر شنو يكون حالها عذاب في الدنيا و الاخره يعني ماكو راحه و لا فكه كلش و بعدين شهالعبط انتي واصله الجامعه و معقوله ما درسوج شنو يعني انتحار و وين تروحين لي انتحرتي ؟
اهيه : بلى
آنا : عيل شكو رايحه تحاولين تنتحرين اول شيء الانتحار حرام و ثاني شيء دايركت في النار
اهيه : ادري
آنا : تدرين و تبين تنتحرين احسج متناقضه ؟
اهيه : مو متناقضه و لا شيء بس احس اني راح ارتاح صدقني مو مني اهمه اللي اجبروني على الانتحار و لو انك لاحظت موضوع مثل هذا حده صدمه بالنسبه لي و مو شويه
آنا : ادري ان صدمه بس عذاب الدنيا اهون من عذاب الاخره و القبر و موضوع ابوج و اخوج بالنسبه لنار الاخره و عذاب القبر حده هين و تافه و تقدرين تتحملينه بس لو لا سمح الله انتحرتي و متي و رحتي النار شلون بتتحملينها ؟
اهيه : كلامك عدل و يعجبني لكن تطبيقه صعب و مستحيل
آنا : اللي اعرفه ان اللي يسوي شيء بدون علم باثمه او انه حرام لما يعمله ما يؤثم لكن الواجب عليه يتعلم فما بالج باللي يعرف و يعمل ؟ اكيد عذابه و اثمه اكبر من اللي ما يعرف ؟
اهيه : ما ادري شقول
آنا : قولي انج ما راح تعيدينه مره ثانيه و انج راح تتحملين مهما كانت صعوبة الامر و اجرج عند الله صدقيني اكبراهيه : اوعدك
آنا : ريحتيني الله يريحج :)
خلصت محاضراتي على 3 العصر و قابلتها بالجامعه و بعد الثلاث عندي دوره يعني على الخمس
قلت لها : اهلج وين ؟
قالت لي : اي اهل
قلت لها : اهل امج ابوج
قالت لي : اهل امي متبرين منها و السبب انها تزوجت ابوي بدون رضاهم و اهل ابوي بدولتهم
قلت لها : و اذا صارتلج مشكله او احتجتي شيء وين تروحين ؟
قالت لي : ربك موجود
قلت لها : و النعم بالله بس امج ليش ما تزورينها و تقعدين عندها تدرسين و وقت النوم تردين عند ابوج ؟
قالت لي : امي متزوجه واحد و عايشه اهيه و اخواني عنده و ما يحبني و لا يواطنني من كثر الكلام اللي ينقال عن ابوي و عني معنى اني مالي ذنب فمانع زيارتي لها بس اكلمها بالتلفون تدري اني ناسيه شكلها <<< دمعت عينها
قلت لها : معقوله ما تدرين شلون صايره امج الحين ؟
قالت لي : وربي ما ادري شلون صايره حتى لو طلعت ماكن و شفتها ما راح اعرفها
قلت لها : ماني قادر استوعب اي شيء تقولينه احس صعب استوعب كلام مثل كلامج مستحيل
قالت لي : لا مستحيل و لا شيء ترى حتى اهيه ما تعرف شكلي شلون صاير و لا شلون قايل
قلت لها : اوكي متى خبرج فيها ضحكت
و قالت لي : من و انا عمري 10 سنين ؟
قلت لها : لا تعليق . انا بس بعرف شنو من قلب عندها عفيه ام ما تعرف شلون بنتها صايره و لا شلو ن قايله ؟
قالت لي : شفيك عادي كل شيء بحياتي عادي بس و الله ما الومها عذرها معاها ريلها يحبها و يحب اخواني و موفر لهم كل شيء يحتاجونه فالاولى انها تعيش وياه اهيه و اخواني و اهمه مو خايفين من شيء و لا يحاتون شيء و الا يتشردون و يضيعون ؟
قلت لها : هم مو عذر تاجر شقه و الا تشتري بيت
قالت لي : انت من صجك امي ربه بيت يعني مو موظفه و عايشه على 200 اللي يعطيها ابوي كل شهر لا و بعد مو كل شهر مرات و مرات يعني من وين بتاجر شقه بهالمبلغ او تشتري بيتقلت لها : معاج حق و الله حتى لو جمعته ما ارح تقدر عندها عيال تصرف عليهم و بعدين شتجمع ؟
يه وقت الدوره
قالت لي : سوري ضيعت عليك الوقتقلت لها : عادي مو مشكله وقتي معاج كلش مو حسافه عليه و كلش ما ضاع بالعكس استانست وياجالمهم انتهى حديثي معاها في اليوم الاول و احس جني بابجي متضايق حيل و متنرفز و مالي خلق اكلم احد كلش و حت ادخل الدوره قلت لروحي تدري شلون روح البيت احسن رحت البيت و الوالد استغرب
قال لي : مو عندك دوره اليوم ؟
قلت له : ايه
قال لي : عيل ليش ما رحت
قلت له : مالي خلق شيء
قال : افا ليش ؟
قلت له : ما ادري جذي
رحت داري و نمت و قعدت المغرب و حدي متضايق علشانها و الله احس يومي كله اعتفس عليها
المهم و قابلتها كذا مره و في كل لقاء تكلمت لي عن شيء من حياتها و تعرفت عليها اكثر
المشهد السادس
قربت امتحانات الفتره النهائيه و اول مره ادق عليها قلت لها : قوه
قالت : يا هلا فيك الله يقويك
قلت لها : ها شلون تحضيرج للامتحانات ان شاء الله تمام عاد ودي تبيضين ويهي اهيه ماتت من الضحك قالت غريبه هذي تبيضين ويهي ؟ اعجبتني حيل
قلت لها : ادري انا شكو تبيضين ويهي :)المهم قلت لها اذا عندج اي شيء مو فاهمته قوليلي اعلمج و الا اسال و اقولج افا عليج كلش و لا ينزل مستواج
قالت لي : مشكور ما تقصر بيض الله ويهك اتصالك بس يرفع معنوياتي و ان شاء الله انجح و ابيض ويهك <<< حدها ميته من الضحك
قلت لها : اخليج يلا سلام
قالت لي : حياك
قبل الامتحانات بجم يوم كان عندي دوره و اهيه بعد يوم اشوفها و الا حدها حزينه و حسيت بالدمعه بعينها
قلت لها : عسى ما شر
قالت لي : ما شر
قلت لها : كل ضيقه هالخلق و الحزن اللي ما اعتدته منج و تقولين ما شرالمهم و الا ترفع جمها و الا حارقها ابوها بالاوتي حرق خفيف بس حيل يعور القلب
قلت لها : ليش سوى فيج جذي هاللي ما يخاف الله
قالت لي ليش سوى فيها جذي و طلع حده حقيرالمهم
قالت لي : شوف ترى يمكن ما احضر هالكورس و اوقف قيدي
قلت لها : لا يبه الا هالشيء ما بقى الا جم يوم على الامتحانات و توقفين قيدج ما يسوى
قالت : صدقني ما اقدر ادرس
المهم خليتها و قعدت افكر شاقدر اسوي لها حتى تقدر تدرس باجواء حلوه و تنجح و تخلص هالسنه على خير
المهم رحت عند خالتي عايشه اهيه و اخوها الصغير بروحهم لان يدتي متوفيه و اهمه ظالين بروحهم بالبيت فقلت لها السالفه كيت و كيت بس للامانه ما قلت لها كل شيء عن حياتها بعض التفاصيل مثل ما قلت لكم و قلت لها ابيها تيي عندج تقعد و تدرس ببيتكم بس على ما تخلص الامتحانات بليز
فقالت لي : ما عندي اي مشكله و حياها الله صدقني بافرح بس على شرط انها ما تتغيب عن بيتهم حتى ابوها المينون ما يسوي لنا سوالف معاها يعني اذا تغييبت او شيء يقعد يبلغ عنها بالمباحث و يصيدونا عاد حده تكمل
قلت لها : صح كلامج و مقدور عليها
طبعا البنت ما تدري بالموضوع فيوم قلت لها ارفضت و ما رضت تروح بيت احد فيوم كلمتها خالتي و طمنتها ارتاحت و يت تدرس عندها
خالتي حيل حبتها و مدحتها و قالت لي صج ابوها خايس و له سوالف بس البنت تهبل احلى منها بالخلق و الاخلاق ما فيه
المشهد السابع
يه وقت الامتحانات و ما شفته خير شر
و بعد الامتحانات طلعت النتايج
و انا و ربعي واقفين و صايره ضبه مو طبيعيه و نبارك لبعض و حدنا مستانسين و كنت احاتيها صج مستانس بنجاحي و تفوقي بس هم احاتيها
ما وعيت و الا اللي يايه صوبي ركض طايره و الضحكه على شفاتها و السعاده على ويهها و حدها مستانسه
يت صوبي و احضنتني و باستني و قالت لي : مشكور يا اخوي لولا الله ثم انت ثم خالتك هالمره الطيبه ما نجحت و بامتياز بعد عصبت عليها على حركتها اللي كانت بالنسبه لي بايخه حيل و دزيتها زعلت و تضايقت و دمعت عينها جرحتها و بدال لا اباركلها بنجاحها ذبحت فرحتها انا مو قصدي شيء و اهيه اول شيء احرجتني جدام ربعي و ثاني شيء انا ما اعتدت اكون انتهازي او شرس مع احد انا ما سويت لها كل هذا علشان استغلها و استغل ظروفها و انا اصلا مو جذي يعني لو غيري استغل هالفرصه و انا بصراحه مو جذي
بعد ما خلصت السالفه توني برد البيت و الا خالتي دقت علي قالت لي : ها بشر ؟قلت لها : امتيازقالت لي : مبرووووووووووك الف مبروووووووووك و يببت لي بالتلفون و البنت انزين شسوت ؟قلت لها اللي صار و قلت لها انها نجحت عصبت علي و قالت لي مو قصدها بدال ما تبادلها شعور الفرح تقوم تذبح فرحتها قلت لها : انا ما تعودت على هالسوالف و بصراحه ما ادريقالت لي : من قالك انها قصدت اساءه لك اهيه بس يوم نجحت ما لقت احد يحس بنجاحها و فرحتها و يشاركها فيهم الا انت حستك اخوها و انت ما قصرت معاها :(
تحسفت وايد على اللي سويته معنى اني ادري اني كلش مو غلطان و اهيه الغلطانه بحركتها هذي بس هم كسرت خاطري و طرى على بالي حالها
دقيت عليها على المغرب و موبايلها طلعت روحه و اهوه يدق و غصب شالته و اعتذرت منها و قلت لها ليش ما نحتفل بنجاحنا
قالت صج و الله و لا عمري احتفلت او احد احتفل بنجاحي اوكي وين ؟
انا خلينا نروح شوكلت بار قالت وااااو حده وناسه
المهم يت على الموعد و سولفت وياها و بينت لها موقفي و وضعي و اتفهمته الحمدلله :)
و قالت لي ان ما كانت تقصد هالحركه
و احنا قاعدين و الا دق عليها ابوها و اعتفست البنت فوق تحت
قلت لها : عسى ما شر
قالت لي : الشر كله
انا : افا ليش ؟
اهيه : ابوي يبينا نسافر باجر لـــــ ----- و يبيني ارد ازهب اغراضي علشان الطياره تطير الظهر ؟ شكله اشتاق لديرته اللي تلوع الجبد ؟
انا : لا حول و لا قوة الا بالله يا فرحه ما تمت
اهيه : تكفه ساعدني تعبت و مليت اسافر و الا انحاش و الا شسوي بعمري تعبت و ربي تعبتانا : <<< بهون عليها >>> اي سافري ما تدرين يمكن يكون سفرج خير و تقدرين تعدلينه و تغيرينه ما تدرين الخير وين انتي كارهه السفره يمكن الخير فيها يمكن بسفرج معاه يتعدل
اهيه : انا واثقه فيك و بكلامك و راح اسافر معنى اني احس بموت لكن مدامك اقترحت علي بشوف
سلمت عليها و قلت لها : ان شاء الله التقي فيج قريبا و تردين بالسلامه ان شاء الله
قالت لي : ما ظنتي بشوف السلامه معاه
قلت لها : شدعوه بتجاهدين و الا بتسافرين ؟
اهيه : اثنينهم عاد مو تنساني دق علي
انا : افا عليج بدون ما توصيني بس تدقين علي من هناك ماني مخليج بلوع جبدج مكالمات و رسايل اهيه : من يقول ان مكالماتك و رسايلك تلوع الجبد بالعكس افرح فرح ما يعلم فيه الا الله لما اشوف رقمك
نصيحه يا اختي الغاليه حاولي تستانسين كثر ما تقدرين و طنشي و خلي سفرتج سياحه و وناسه و خلي همج لله
راحت و بمجرد ماراحت حسيت بالحزن الكبير و الضيق
المشهد الثامن و الاخير
وصلوا بالسلامه و كلمتها و كلمتني و كلمتها خالتي و سلمت عليهاو بعد اسبوع بالضبط من سفرتها زوجها ابوها واحد كبره زواج متعهو ليله زواجها دخلت غرفتها و قفلت الباب
و دقت علي على طول و قالت لي : تقول انه بيتغير ليتني ظليت عندك و ما رحت على الاقل انت قدرتني و احترمتني و خفت علي في وقت ابوي باعني لشايب حسبي الله عليه
انا : شنواهيه : تبجي بجي و تصرخ احس قلبها انقطع من البجي
انا : ادري ان اللي صارلج مني و انتي داقه علي تلوميني لكني ما توقعته بهالصوره الحقيره تكفين سامحيني ما كنت متوقع راح يصير لج كل هذا و الله دموعج و بجيج و صوتج عور قلبي و قطعه
اهيه : انت ما عليك انا طلبت رايك و انت ما تعلم الغيب
انا : علشاني لا تبجين و تحرقين قلبج خليه ينطر بره لين يموت
اهيه : شانك يالغالي كبير عندي انا حدي خايفه و اهوه كسر الباب و سكران و حالته حاله و ماني عارفه اتصرف شلون اظل قافله الباب و اهوه كسره ؟ حبيت اقولك شيء واحد تراني حبيتك و دخلت قلبي و رب الكعبه انت اول واحد حبيته و اخر واحد كل شيء فيك يحببني فيك ما عمرك ضايقتني او استغليت ظروفي كنت بمنتهى الاحترام و اللباقه معاي في وقت الكل فقد احترامه و حبه لي
المهم بعد هالسالفه دخل عليها ريلها و حملت و يوم حملت و قرب موعد ولادتها ماتت اهيه و جنينها
قلت سبحان الله فكاها منه و فك ولدها منه و بعد ما كنت تتمنى الانتحار اهيه الحين شهيده سبحان الله
و بعد ما دريت انها توفت بجيت عليها بجي وانحرق قلبي عليها لانها ما تستاهل كل هالعذاب اللي صارلها كان يومي اسود من السواد نفسيتي تعبت وايد و يالي انهيار عصبي و دخلت المستشفى و بعدها غيبوبه و بعد ما قعدت من الغيبوبه كنت احسب ان اللي كل اللي صار حلم لا اكثر و لا اقل و بس يوم شفت روحي بالمستشفى عرفت ان اللي صار مو حلم واقع لا مفر منه
بعد هالسالفه حسيت اني بين خلاص و اكتشفت اني حبيتها و تعلقت فيها و انها كانت تشكل جزء كبير من حياتي
و بدت الدراسه و وقفت قيدي سنه و الهم و الحزن ما خلوني
ماقدرت انساها و لا قدرت انسى الايام الحلوه اللي قضيتها و عشتها معاها و لا قدرت انسى اني حثيتها على السفر و كنت السبب بكل اللي صارلها و مازلت الوم نفسي على اللي صارلها
مازالت هالبنت عايشه معاي في بالي ما اقدر انساها ابد كل ما صار موقف او انقالت كلمه قالتها لي او قلتها لها تذكرتها
و كانت اسوا سنه بحياتي سنه 2004
و كان مشهد من حياتي اسوا مشهد عشته ما قدرت انساه و لا قدرت اعيش غيره
و الحمدلله على كل حال
