موضوع شغل بالي و ما عرفت تفسير له قلت اقوله لكم و اشوف رايكم فيه
قبل فتره كنت قاعد ويا الوالد و الوالده و عندي ضرس يعورني فيوم كليت كنافه عليه عورني حيل فحسوا فيني ان ضرسي يعورني عاد انا اروح كل مكان الا الاسنان ما احب اروحله لو شنو لو بيطيحون كل سنوني خخخخ
المهم فالوالد قال للوالده روحي معاه باجر من الصبح قبل الدوامات الاسنان علشان يجيك الدكتور عليه قلت له شنو انا ياهل قالي لأ مو ياهل بس ادري فيك ما راح تروح لو شنو فامك تروح وياك اضمن :) <<< ما الومهم والله جم مره يقولون ليروح و ما اروح و يطلع عصب خخخخ جذي اضمن لهم :) قلت اوكي حياها الله مو مشكله طبعا الصبح اول ناس رحنا وكان رقمنا 1 و على الثمان دخلنا قبل لا ينادوني
دار بيني و بين امي هالكلام امي للامانه قالت لي ما عليك مني روح و خلني قاعده انطرك متى ما خلصت تعال اهمه بس يبون يضمنون روحتي للاسنان فقلتها ما عندي سوس صدقيني قالت : و الله ما اصدق ان ما عندك سوسه انت ابو السوس قلت لها : و الله تعالي معاي بنفسج و شوفي الدكتوره شتقول قالت لي : لا عيب انت كبير و اذا شافتني شتقول ياي و يا امه لا و داخله معاه قلت لها : افا عليج الكبر مو على الام :) رضت تدخل و قعدنا ننطر رقم 1 طبعا كان في دكتوره و دكتور الدكتور متاخر و ما اقدر انطر لانعندي سو مج ورك فقبل لا ادخل سالت الشباب شلون شغلها قالوا : تمام بس حدها ثقيله و مغروره و ما تعطي احد ويهه و محترمه بشكل ما تتصوره حتى مشيتها تدل على احترامها قلت لهم : انا شكو فيها ثقيله و الا خفيفه مو مشكلتي المهم تخلصني
اول يوم
قبل لا ادخل طقيت الباب دخلت
قلت : السلام عليكم
ردت : يا هلا و عليكم السلام
قالت لي : خير ان شاء الله شنو يعورك بالضبط
قلت لها ما ادري : عاد اهيه ضحكت
قالت لي : شوف انا شايفه ثنتين بالعين المجرده عاد بالاشعه شوفجم وحده تطلع ؟ فسو اشعه كامله لاسنانك و تعال
قلت لها : اوكي عاد انا طفارتي الاشعه لا و انطرها بعد وليه مو وقته حده خذيت اشعتي و عطيتها الدكتوره
قالت لي : اوف اوف 8 سوسات عندك مجموعه طيبه من السوس عندك 7 سوسات و وحده عصب يعني كلهم 8 انا طلعت عيوني و اهيه و امي ضحكوا ضحك لان العدد مو طبيعي بصراحه هذا العدد لواحد عمره ما فرش اسنانه <<< هذي السالفه الاولى :) انتبهوا معاي
خلصت قالت لي : سلامات
قلت لها : مشكوره دكتوره
قالت لي : العفو مع السلامه حياك الله ؟
المهم ضاق خلقي لان حدي مو فاضي فسوت لي السوسه الاولىو عطتني دوامها و قالت لي تعال باجر بالفعل كلامهم صح حدها ثقيله و مغروره و ما تعطي ويهه احد و محترمه بعد ما دخلت عندها ما شاء الله عليها بمنتهى الجمال و الطول و الاناقه يعني مو بس ثقيله هم حلوه تخيلوا كل يوم من السبت انا بالاسنان حشى موظف مو بيشنت
ثاني يوم
نفس الشيء قبل لا ادخل طقيت الباب دخلت
قلت : السلام عليكم
ردت : يا هلا و عليكم السلام شلونك شخبارك ان شاء الله تمام ؟
قلت لها : الحمدلله بخير
قالت شلون شغلي امس : قلت لها تمام <<< و نفس الشي سوت اسناني خلصت
قالت لي : سلامات
قلت لها : مشكوره دكتوره
قالت لي : العفو مع السلامه حياك الله ؟ <<< هذي السالفه الثانيه :)
انتبهوا معاي ثالث يوم اهني لا اختصر الايام مع بعض لاني لو قعدت اكتب كل يوم شصار ما راح نخلص نفس الشيء قبل لا ادخل طقيت الباب
دخلت قلت : السلام عليكم
ردت : يا هلا و عليكم السلام شلونك شخبارك ان شاء الله تمام ؟
قلت لها : الحمدلله بخير قالت شلون شغلي امس : قلت لها تمام <<< قالت لي : عندك ملف ؟ قلت لها : تقصدين الكرت البني قالت : اي
قلت لها : عند واحد بره اييبه قالت لي : لأ بس خلاص خلك مرتاح
قالت لي : انت وين ساكن ؟قلت لها : ---- قالت لي : ادري انك ساكن اهني بس وين بالضبط ؟ قلت لها : --- <<< هذي السالفه الثالثه :) انتبهوا معاي قبل لا تشتغل شغلت بموبايلها اغنيه شيرين احمد حطتها لي و قعدت تشتغل
لاغنيه طبعا على غير عادتها للاسف و الله مو عارفها لاني ما اسمع اغاني وايدمن كلمات الاغنيه فيها كلمة حياتي لاني ما كنت مركز على الاغنيه <<< اللي يعرفها يقولي
خلصت شغلها
و طلعت
امممم خامس او سادس يوم علقت اشعتي و قعدت تشرحلي على اسناني وين اشتغلت بالضبط و هالسوالف
فقالت لي تدري امس وين اشتغلت قلت لها : ما ادري ماتت ضحك علي اكيد انتوا تستغربون شلون ما ادري وين راح اقولكم من كثر الحشوات اللي حطتهم ما قمت اثبت اي ضرس اشتغلت فيه فقررت ما اشوف اي ضرس اشتغلت فيه <<< خخخ عذر اقبح من ذنب
فقالت لي : يوم بنجتني الله يعينك اليوم ضرسين يم بعض راح اشتغل فيهم<<< هذي السالفه الرابعه :) انتبهوا معاي طلعت انطر الضرس يتبنج عدل عاد اتاخرت و السبب شرحها اللي طال على شيء ما يحتاج شرح ابد المهم طلعت فالشباب حسبوا اني خلصت لاني طولت وايد عندها فقالولي : ها خلصت ؟ قلت لهم : لأ بس بنجتني و طلعت
قالو لي : تاخرت شدعوه كل هذا بنج ؟
قلت لهم : قعدت تشرح لي تدرون بسوالف الدكاتره
قالوا لي : كل هذا شرح اخاف عندك سالفه معاها ؟
قلت لهم : لا و الله مو فاضي لهالسوالف
قالوا لي : علينا قلت لهم : كيفكم صدقتوا اهلا و سهلا ما صدقتوا مشكلتكم
بعد كلامهم هذا حسيت بشغله ان بس انا بين كل البيشنت اللي تعاملني عدل بدون غرور و لا شيء حتى احترامها يوم شافتني فقدته ؟
فنادتني مره ثانيه علشان تشتغل عاد عصب الحين وليه مصيبه قاعد تشتغل و عورني ضرسي فوخرت راسي من العوار فقالت لي : ما عليه استحمل ؟
المهم يت بتحطلي حشوه مؤقته و صارلي فتره مبطل حلجي انطرها فصكيته بدون لا اضغط على الضرس
عاد قالت لي : ادري تعبت ؟
خلصت كل اسناني في اليوم السابع لانها اشتغلت بضرسين مع بعض
فجاه و الا اشوف واحد يقولي الدكتوره تقول : ان اسنانك محتاجه تقويم ؟
قلت اوكي رديت لها و قلت لها : ليش تقويم دكتوره توني حاط تقويم ؟
فقالت : ها لا بس خلاص<<< هذي السالفه الخامسه :)
انتبهوا معاي فقمت انطر الاحد علشان اروح شارع عمان السالميه علشان العصب يحددون لي موعد فاول مارحت البيت قلت خلني اشوف ضرس العصب شصاير فيه بطلت حلجي شفت العصب مسويته بس ما كو شيء يمه<<< : اهيه بالسالفه الرابعه اللي كتبتها لكم ردوا طالعوها قالت ليالله يعينك اليوم بشتغل بضرسين يم بعض العصب و الثاني فعرفت انها جذبتها الاولى ؟
و بعدها جيكت على الاسنان و ما دخل مخي ان كلهم مسوسين لاني قبل لا اروحلها كانت اسناني بيض ما فيهم نقطه سوده و لا محفورين و لا شيء ؟ حتى عوار من حلاو او شيء بارد ماكو ؟
فقلت : خلني اروح حق واحد عمه دكتور اسنان شاطر رحت له و وداني عنده شاف الاشعه الكامله لاسناني
قالي : جم سوسه قالت لك
قلت له : 8
قال :الله و اكبر عليها من وين 8 كل اللي عند ثنتين وحده عصب و وحده سوسه و بس ؟
انا انصدمت صدمه مو طبيعيه <<< و طلعت جذبتها الثانيه ؟
رحت العصب موعدي سووه لي الاثنين و رحت الاسبوع اللي بعد الاثنين السبت و كان دوامها فكنت ميت قهر منها و ماني عارف شقولها بالضبط سكت عنها فاول ما دخلت
قالت لي : وي انت لما الحين ؟
قلت لها : و لي باجر و الفضل لج
قالت لي : في عوار في شيء
قلت لها : لأقالت : الحمدلله
قالت : متى سويته
قلت لها : الاحد شافوا الضرس و عطوني موعد سووه الاثنين
قالت لي : زين و الله المهم بنجت ضرسي علشان تشيل المؤقته تحطلي دائمه فانا قمت علشان اطلع انطر كالعاده
قالت لي : وين رايح ؟ قلت لها : مو رايح مكان عاد اهيه ابتسمت قعدت شوي عندها و بعدين اشتغلت بضرسي و اهيه قاعد تشتغل دخلت وحده قالت لها دكتوره جم وصل الدور
قالت لها :3
قالت لي الدكتوره : صح 3
قلت لها : اي
رديت البيت قعدت افكر اهيه ليش سوت جذي طلعت سالفه 8 سوسات و سالفه ضرسين يم بعض تبي تشتغل فيهم و سالفه التقويم و فقدها احترامها فجاه ؟
معنى ان الكل يمدح فيها و يقولون حدها ثقيله و محترمه حتى الوالده يوم شافتها قالت حتى مشيتها تدل على انها محترمه ؟
اشمعنه معاي فقدت احترمها و ذوقها ؟
و ليش كل هالجذب و ليش خربت سنوني بالحشوات معنى ان ضروسي ما كان فيهم شيء ؟
و ليش يابت طاري التقويم معنى اني توني من فتره شايله ؟
و ليش تبيني اروح و ارد عليها ؟ شقصدها بالضبط ؟
ما ني عارف ليش ؟ ودي انكم تقولون لي شنو فهمتوا ؟
او ليش اهيه سوت جذي ؟ اقصد ليش خلتني ايي 8 ايام رايح ورادو ما كوسوس ؟
و ليش بتحطلي تقويم معنى اني توني شايله و سنوني صطره وحده ؟
شنو قصدها ليش بتطول السالفه معاي ؟
ودي اللي فهم او عرف يقولي ليش لاني حدي ما فهمت او اذا البنات يفهمون بالهالحركات يفسرونها لي ؟ لانهم بنات و يفهمون على بعض او حتى الشباب مو مشكله كلكم حلوين خخخخ
انا متضايق لشغلتين
انها خربت سنوني سوتهم قار و اهمه ما فيهم شيء و على فكرهم و بس عم رفيجي قال هالشغله جم دكتور وديت له الاشعه و قال لي نفس السالفه سوسه و عصب خفت لا اظلمها تاكدت لكن للاسف ما لقيت اللي يوضحلي اهيه ليش سووت جذي ؟
و الشغله الثانيه
عطلتني عن اشغالي و ما اظن ان كل اللي سوته كان مجرد صدفه ؟ اهيه قاصده هالحركه
بس ليش ما ادري ؟
يمكن يستغرب البعض منكم ليش كل هالدقه بالتفاصيل
راح يكون ردي حتى السالفه تكون واضحه للكل او يمكن واحد منكم يستنتج شغله ما اكون ملاحظها :)
و بس
بانتظار رايكم و تواصلكم العذب
